Асосҳои тайёрии тиббӣ ва бехатарии фаъолияти ҳаёт

Кафедраи «Асосҳои тайёрии тиббӣ ва бехатарии фаъолияти ҳаёт» соли 2020 бо Қарори Шӯрои олимони ДМТ дар асоси якҷоя кардани кафедраҳои “Электроникаи тиббӣ” ва “Асосҳои тайёрии тиббӣ ва мудофиаи гражданӣ” таъсис дода шудааст. Мудири кафедра номзади илмҳои физикаю математика, дотсент Ғафуров Сафархон Ҷурахонович мебошад. Кафедра дар бинои таълимии №3 ДМТ ҷойгир шуда, дар он 7 омӯзгор ва 1 лаборант кор ва фаъолият менамоянд. Аз онҳо 3 нафар номзади илмҳои тиб, дотсент, 2 нафар – омӯзгори калон ва 2 нафар – ассистент мебошанд. Дар кафедра аз фанҳои ҷузъҳои электронӣ ва сенсорҳои биотиббӣ, воситаҳои электронии ташхиси лабораторӣ, истеҳсоли маводи оптикӣ, маводи сохтмони биологӣ, дастгоҳҳои тиббӣ, система ва комплекс, таҳия ва технология, дастгоҳҳои электронии тиббӣ, асосҳои нигоҳдории энергия, асосҳои тайёрии тиббӣ, мудофиаи гражданӣ, психологияи тиббӣ ва асосҳои тибби иҷтимоӣ таълим дода мешаванд.